၂၀၂၁ခုနှစ် နိုဝင်ဘာ လ တွင် ကမ္ဘာ အချမ်းသာဆုံးသူဌေး အီလွန်မတ်(ပြုစုဆဲ)

၂၀၂၁ခုနှစ် နိုဝင်ဘာ လ တွင် ကမ္ဘာ အချမ်းသာဆုံးသူဌေး အီလွန်မတ်

Elon Musk သည် ၁၉၇၁ခုနှစ် ဇွန်လ ၂၈ ရက် (တနလာ်နေ့)တွင်

တောင် အာဖရိက နိုင်ငံ ပရီတိုရီးယားတွင်မွေးဖွားသည်။

လက်ရှိ အကာသ ဒုံးပျံယာဥ်များ ထုတ်လုပ်သည့် Space X တွင် CEO. လျှပ်စစ်ကားတွေ ထုတ်တဲ့Telsa ရဲ့ ပုံဖော်သူနဲ့ ပထမဦးဆုံးရင်းနှီးမြုတ်နှံသူ၊ Boring ကုမ္ပဏီ ရဲ့ ထူထောင်သူ၊တစ်ဦးဖြစ်သလို Neurallink နဲ့ Open AL တို့ကို ပူးတွဲ ထူထောင်သူဖြစ်သည်။

အိမ်ထောင်၃ဆက်ရှိပြီး၊သားသမီး ၇ယောက်ရှိသည်။

၂၀၂၁ခုနှစ်တွင် ဒေါ်လာ ၂၉၂.၆ ဘီလျှံ ချမ်းသာသည်။

ပညာရေးတွင် တောင်အာဖရိက ၏ University of Pretoria တက်ရောက်နေရာမှ အသက် ၁၇နှစ်အရွယ်တွင် ကနေဒါ နိုင်ငံ Queen's University သို့ ပြောင်းရွေ့တက်ရောက်ခဲ့သည်။၂နှစ်အကြာတွင် University of Pennsylvania သို့တက်ရောက်ပြီးစီးပွါးရေး နှင့် ရူပဗေဒ ဘွဲ့ ရရှိခဲ့သည်။၁၉၉၅ခုနှစ်တွင်ကယ်လီဖိုးနီးယား Stanford University သို့ပြောင်းရွေ့တက်ရောက်ခဲ့သောလည်း စီးပွါးရေးလုပ်ငန်းကို ဇောက်ချလုပ်မည်ဟုဆုံးဖြတ်ကာ ညီဖြစ်သူဖြင့်အတူZip2 Software ကုမ္ပဏီ ကို ပူးတွဲတည်ထောင်သည်။Online banking ကုမ္ပဏီ X. Comကိုပူးတွဲတည်ထောင်ပြီးနောက် Confinity အဖြစ်တိုးချဲ့ ၍ ၂၀၀၀ခုနှစ်တွင် PayPal ကုမ္ပဏီ အဖြစ် ပုံဖော်ခဲ့သည်။၂၀၀၂ခုနှစ်တွင် eBay မှ PayPal ကို ဒေါ်လာ ၁.၅ ဘီလျှံ ဖြင့်ဝယ်ခဲ့ သည်။

၂၀၀၂ခုနှစ်တွင် အကာသဆိုင်ရာ ထုတ်လုပ် ပို့ဆောင်ရေး အတွက် Space X ကို တည်ထောင်ခဲ့

သည်။၂၀၀၄ခုနှစ်တွင် လျှပ်စစ်ကာ ထုတ်သည့် Telsa Motor,Inc(now Telsa, Inc)ကို ပူးပေါင်းခဲ့သည်။၂၀၀၈ ခုနှစ်တွင် CEO တာဝန် ယူခဲ့သည်။

၂၀၀၆ ခုနှစ်တွင် နေရောင်စွမ်းအင် လုပ်ငန်းအတွက် SolarCity နောက်ပိုင်းTelsa Energy,၂၀၁၅ တွင် ဥဏှောက်တု ဖြင့်ပတ်သက်၍ FriendlyArtifically Intelligence. ၂၀၁၆တွင် ဥဏှောက် နဲ့ဆိုင်သော ကွန်ပြူတာ နည်ပညာအတွက် Neuro linkတို့ကိုပူးတွဲတည်ထောင်ခဲ့သည်။အမြန်ရထားစီမံကိန်း အတွက် ဥမှင်လှိုင်တူးသော Boring Company ကိုတည်ထောင်ခဲ့သည်။

သူ့ကိုယ်ရေးရာဇဝင် ကို ဤမျှဖြင့်ရပ်၍ သူ့၏ စီမံခန်ခွဲတွေးတော်မှုများကိုလေ့လာတင်ပြပါမည်။

Elon Musk ၏ စီမခန့်ခွဲ မှု စီးပွါးရေးပညာကိုလေ့လာခြင်း(ဆက်ရန်)

Elon Musk ၏ စီမံခန့်ခွဲမှု အတွေးအခေါ်(၁၀)ချက်(5Nov2021ဖြည့်)

၁- စံနမူနာပြ ဦးဆောင်ပါ။Lead with example

"သင် တွဲဖက်တည်ထောင်သူ သို့မဟုတ် CEO ဖြစ်ပါက သင်အလုပ်များ အားလုံးကို စံနမူနာပြလုပ်ဆောင်ရမည်ဖြစ်ပြီး။ သင့်အလုပ် မလုပ်ပါက ကုမ္ပဏီသည် အောင်မြင်မည်မဟုတ်ပါ... - Elon Musk “တခြားလူတွေက အလုပ်ရက်သတ္တပတ် 40 နာရီ လုပ်ရင်သင် ကအလုပ်ရက်သတ္တပတ် 100 လုပ်ရင်တောင် သင်အလုပ် အောင်မြင်ဖို့အတွက် လေးလလောက်လိုပါမည်။” - Elon Musk သည် ကျွန်ုပ်တို့၏ကိုယ်ပိုင်အားထုတ်မှုသည် အလုပ် အောင်မြင်အောင်ဆောင်ရွက်နိုင်သော ကျွန်ုပ် ၏ လုပ်ဆောင်နိုင်သော အရာ တစ်ခု ဖြစ်သည်။ အလုပ်အပေါ်စိတ်အားထက်သန်သော သူဖြစ်ရမည်။

၂- ဦးတည်ချက် ရှိရှိ ဦးဆောင်ပါ။ Lead with Purpose

“ကုမ္ပဏီအတွက် အရမ်းဆွဲဆောင်မှုရှိတဲ့ ပန်းတိုင်တစ်ခုရှိရမယ်။ ကုမ္ပဏီရဲ့ခေါင်းဆောင်ကိုယုံကြည်ပြီး ရလဒ်ကောင်းတစ်ခုရနိုင်တဲ့ အလားအလာရှိတယ်ဆိုတာကို ဝန်ထမ်းအားလုံးကယုံကြည်ရပါမယ်။

၃။တီထွင်ဖန်တီးနိုင်ပါစေ။Be Creative

“ပြဿနာက ကုမ္ပဏီကြီးတွေမှာ စဉ်းစားတွေးခေါ်စရာ မလိုတဲ့ သတ်မှတ်လုပ်ငန်းစဉ်ရှိပြီးဖြစ်နေတာပါပဲ။ သင်သည် ရှုပ်ထွေးသောစက်တစ်ခုရှိ ဂီယာတစ်ခုကဲ့သို့ ပြုမူနေရသည်။ ပွင့်ပွင့်လင်းလင်းပြောရရင်၊ အဲဒါက မင်းကို တီထွင်ကြံဆမှုမရှိတဲ့ ဉာဏ်မမီသူ အဖြစ် ပုံမှန်လည်ပတ်နေရတဲ့ စက်ရုပ် လို ထိန်းထားနိုင်စေတယ်။တီထွင်ဖန်တီးနိုင်စွမ်းမရှိရင် တိုးတက်မှုနဲ့ ဆန်းသစ်တီထွင်မှုတွေ မဖြစ်နိုင်ပါဘူး။

၄။ပူးပေါင်းဆောင်ရွက်တတ်ပါစေ။ Be Collaborative

“တစ်ဦးချင်းအရည်အချင်းရှိဖို့ အလွန် အရေးကြီးတယ်။ အားကစားအဖွဲ့တစ်ခုလိုပါပဲ၊ တစ်ဦးချင်းအကောင်းဆုံးကစားသမားရှိတဲ့အသင်းက မကြာခဏအနိုင်ရပေမယ့် အဲဒီကစားသမားတွေ အတူတကွ ပူးပေါင်း အလုပ်လုပ်ပုံနဲ့ သူတို့အသုံးပြုတဲ့နည်းဗျူဟာကလည်းအရေးပါပါသည်။ “ပြော” သည်ထက် “လုပ်” ခြင်းဖြင့် ဦးဆောင်ရသည်။ သင့်အဖွဲ့ကိုအောင်မြင်ရန် လှုံ့ဆော်ပေးသည့် ဆောင်ပုဒ်တစ်ခု ချမှတ်ပေးရန် လိုအပ်သည်။

၅။ဆန်းသစ်တီထွင်မှုကို အားပေးပါ။ Encourage Innovation

“ကျရှုံးမှုက ဒီနေရာမှာ ရွေးချယ်စရာတစ်ခုပါ။ Elon Musk သည် Space X တွင် ၎င်းတို့၏ပထမဆုံး လွှတ်တင်မှု ၃ ခု မအောင်မြင်ပါ။ Musk က အဲဒါမအောင်မြင်မှုကို လေ့လာပြီးဆန်းသစ်တီထွင်ဖို့ အခွင့်အရေးတစ်ခုအနေနဲ့ ယူခဲ့တယ်။ အကယ်၍ တစ်စုံတစ်ယောက်သည် ဆန်းသစ်တည်ထွင်ခြင်းအား ခွင့်မပြုသော ဘောင်များတွင် ချုပ်နှောင်ထားလျှင် ဆန်းသစ်တီထွင်မှု မဖြစ်နိုင်ပေ။ Elon Musk သည် ဝန်ထမ်းများအား "သမားရိုးကျ" တွေးခေါ်ပုံမှရုန်းထွက်ရန်နှင့် စိတ်ကူးသစ်များ ထွက်ပေါ်လာစေရန် ပံ့ပိုးပေးပါသည်။

၆။ပြတ်ပြတ်သားသားရှိပါစေ။ Be Decisive

"ယနေ့အခြေခံအုတ်မြစ်ချစလုပ်ရန် ပြတ်ပြတ်သားသားဆုံးဖြတ်ရပါမည်။ ပစ္စုပ္ပန်မှာ သင်လိုအပ်တဲ့ အပြောင်းအလဲ ကို ယခုစလုပ်ရပါမည်။ အနာဂတ်မှာသင်လုပ်ဖို့အတွက်အခြေအနေ ပေတော့မည်မဟုတ်ပါ။ Elon Musk က သူလိုချင်တာကို သိပြီး သူ့စိတ်ကူးတွေကို အကောင်အထည်ဖော်တယ်။ ဗျူဟာနှင့် လုပ်ဆောင်ချက်သည် ရလဒ်များဆီသို့ ဦးတည်ရသည်။

၇။ပြောင်းလဲခြင်းဖြင့် အဆင်ပြေပါစေ။ Be Comfortable with Change

CEO တစ်ယောက်ဖြစ်တဲ့အခါ ဘယ်စိန်ခေါ်မှုတွေ ဖြစ်လာမလဲဆိုတာ ကြိုမသိနိုင်ပါဘူး။အောင်မြင်သောခေါင်းဆောင်များသည် မည်သည့်အခြေအနေတွင်မဆို လိုက်လျောညီထွေရှိအောင် ပြင်ဆင်ပြီးအဖွဲ့၏ပန်းတိုင်သို့ ဆက်လက်ချီတက်နိုင်စေပါသည်။ မည်သို့ပင်ဆိုစေကာမူ အဖြေရှာရန် နှင့် ဆန်းသစ်တီထွင်မှုများရှာဖွေရန် ၎င်းတို့၏ အစွမ်းအစများကိုအသုံးချနိုင်စေရပါမည်။

၈။ဂရုတစိုက်ရွေးချယ် အလုပ်ခန့်ပါ။ Hire Carefully

သင်ခန့်ထားသူတိုင်းကို သင်အမှန်တကယ် ခန့်အပ်ရန် လိုအပ်ကြောင်း သေချာပါစေ။ဖွဲ့စည်းပုံ အရ လိုအပ်၍ ရာထူးတစ်ခုကို ခန့်အပ်ခြင်းမပြုပါနှင့်။ မှန်ကန်သောလူကို ခန့်အပ်ကြောင်း သေချာပါစေ။ ခေါင်းဆောင်များကို အောင်မြင်ရန် ထိရောက်စွာ အထောက်အကူပြုနိုင်သူ များကို ပေါင်းထည့်ပါ။ လစ်လပ်နေရာကို ဖြည့်ဖို့ မဟုတ်ပါဘူး။ Predictive Index Behavioral Assessment® နှင့် PI Cognitive Assessment® ကဲ့သို့သော အကဲဖြတ်စနစ်များကိုခန့်အပ်မည်သူ တစ်ဦးသည် အောင်မြင်ရန် စိတ်ပိုင်းဆိုင်ရာ တက်ကြွမှုရှိမရှိ အကဲဖြတ်ရန်အသုံးချနိုင်သည်။

၉။ထူးခြားသော စံနှုန်းများကို သတ်မှတ်ပါ။ Set Exceptionally High Standards

“ကျနော့်အတွက် နံပါတ်တစ်ပြဿနာက အလွန်ထက်မြက်တဲ့ အရည်အချင်းရှိတဲ့သူတွေကိုရှာဖွေခြင်းပါပဲ။ SpaceX မှာ အရမ်းထူးချွန်တဲ့လူတချို့ကို ရှာတွေ့တာ ကံကောင်းတယ်လို့ကျွန်တော်ထင်ပါတယ်၊” - Elon Musk

အရည်အချင်းရှိသူကို ရယူခြင်းသည် ခေါင်းဆောင်များအတွက် အတွေ့အများဆုံးစီးပွားရေးစိန်ခေါ်မှုများထဲမှ တစ်ခုဖြစ်သည်။ ထိပ်တန်းအရည်အချင်းတွေကို ရှာတွေ့ပြီးတာနဲ့ အလုပ်က မပြီးပါဘူး။ ပါရမီရှင်ခေါင်းဆောင်များသည်ကျွမ်းကျင်သူတို့၏အမူအကျင့်များနှင့် ခေါင်းဆောင်မှုပုံစံကို ချိန်ညှိ၍ ထိုသူတို့ ၏ အကောင်းဆုံးစွမ်းအားကို ရယူရန်နားလည်ကြသည်။

၁၀။ လူမှန် နေရာ အဆင့်မှန် ထားရှိပါ။ Put the Right People in the Right Role

“မင်း ကုမ္ပဏီတစ်ခု ထူထောင်ဖို့ ကြိုးစားရင် ကိတ်မုန့်ဖုတ်တာနဲ့ တူတယ်။ သင့်တွင် ပါဝင်ပစ္စည်းများအားလုံးကို အချိုးအစားမှန်ကန်စွာရှိရန် လိုအပ်သည်။”— Elon Musk

အောင်မြင်သောခေါင်းဆောင်များသည် ၎င်းတို့၏လူများကို အောင်မြင်ရန်အတွက် နေရာရာထူးသတ်မှတ်ပေးသည်။ သူတို့သည် လေးထောင့်တံစို့များကို အဝိုင်းအပေါက်ထဲသို့အတင်းတွန်းထည့်ရန် မကြိုးစားကြပေ။ သင့်အဖွဲ့ထဲမှ အကောင်းဆုံးကို ရယူလိုပါက ၎င်းတို့၏ အပြုအမူဆိုင်ရာ တွန်းအားပေးမှုများအတွက် သဘာဝကျသော နေရာ အခန်းကဏ္ဍများတွင် ထည့်သွင်းပါ။ သင့်ဝန်ထမ်းများကို ၎င်းတို့ဖြင့် မသင့်တော်သော နေရာသို့ ပြောင်းလဲရန်ကြိုးစားပါက သင်သည် သူတို့၏ အရည်အချင်းကောင်းများ ဆုံးရှုံးလိမ့်မည်။လူတွေဟာ သူတို့ရဲ့ နဲ့ သင့်တော်သော အခန်းကဏ္ဍမှာ ပျော်ရွှင်ပြီး တက်ကြွနေတယ်ဆိုရင်အောင်မြင်လိုကြလိမ့်မယ်။ ယနေ့ခေတ်တွင် အကောင်းဆုံးစီမံခန့်ခွဲသည့်ကုမ္ပဏီများ၏ 30% သည် မှန်ကန်သော နေရာ အခန်းကဏ္ဍများတွင် မှန်ကန်သောလူများရရှိရန်၊ အပြောင်းအလဲအတွက်အဖွဲ့များကိုပြင်ဆင်ရန်၊ ဆက်ခံမည့်အစီအစဉ်နှင့် ထူးချွန်သောခေါင်းဆောင်များကိုပြုစုပျိုးထောင်ပေးရန် လိုအပ်ပါသည်။။

Elon Musk အစည်းအဝေး နှင့် ကုန်ထုတ်လုပ်မှုမြင့်မားရေး

၁။အစည်းအဝေးကြီးများကို ရှောင်ပါ။

အစည်းအဝေး ကြီးတွေ မလုပ်ပါ။ "အစည်းအဝေးကြီးတွေ အလွန်အကျွံလုပ်တာဟာကုမ္ပဏီကြီးတွေကို အကျပ်အတည်းစေ ပါတယ်။ အချိန်တွေ အလဟသ ဖြုန်တီးရာကြပါသည်။ကျေးဇူးပြုပြီး ကြီးမားတဲ့ အစည်းအဝေးတွေအားလုံးကို ဖယ်လိုက်ပါ။

၂။အရေးပေါ်လိုအပ်သလောက်သာတွေ့ဆုံခြင်းလုပ်ပါ

Musk သည် မကြာခဏ အစည်းအဝေးများကို ဆန့်ကျင်သော်လည်း အရေးတကြီးလုပ်ဆောင်ရန်ရှိက လိုအပ်သူများကိုတွေ့ဆုံလေ့ရှိသည်။ အရေးပေါ်ကိစ္စရပ်များကို လျင်မြန်စွာ ဖြေရှင်းခြင်းဖြင့် သာမာန် အစည်းအဝေး အကြိမ်ရေ ကျဆင်းသွားစေသည်။”

၃။သင့်အတွက် အသုံးမဝင်သော အစည်းအဝေးများမှ ထွက်ခွာပါ။

Tesla သူဌေး Elon Muskသည် ၄င်းအတွက် အသုံးမဝင်သော အစည်းအဝေးများ မတက်သင့်ဟု ထင်မြင်သည်။ “သင် အတွက် အစည်းအဝေးသည် တန်ဖိုးမရှိဘူး ဆိုတာ သိတာနဲ့အစည်းအဝေးကနေ ထွက်သွားပါ။ ဒါမှမဟုတ် ဖုန်းခေါ်လိုက်ပါ။ ထွက်သွားတာဟာ ရိုင်းစိုင်းတာမဟုတ်ပါဘူး၊ တစ်စုံတစ်ယောက်ရဲ့ အချိန်တွေကို ဖြုန်းတီးနေအောင် လုပ်တာဟာမိုက်ရိုင်းပါတယ်။”

၄။အတိုကောက်များကို မသုံးပါနှင့်။

Musk သည် အရာဝတ္တုများနှင့် လုပ်ငန်းစဉ်များအတွက် အတိုကောက် သို့မဟုတ် အဓိပ္ပါယ်မရှိသော နားလည်ရရှုတ်ထွေးသော စကားလုံးများကို ရှောင်ကြဉ်ရန် ဝန်ထမ်းများကိုလည်းအကြံပြုထားသည်။ "ယေဘုယျအားဖြင့်၊ ရှင်းလင်းချက်လိုအပ်သော မည်သည့်စကားလုံကိုမဆို ဆက်သွယ်ပြောဆိုရာတွင် အဟန့်အတားဖြစ်စေပါသည်။ Tesla တွင် အလုပ်လုပ်ရန်အတွက် လူများကို ဝေါဟာရအလွတ်ကျက်ရန် မလိုအပ်ပါ။"

၅။ထိရောက်သောဆက်သွယ်ရေး

အလုပ်ပြီးမြောက်ရန် လိုအပ်သော သူထံ အတိုဆုံးလမ်းကြောင်းဖြင့် အမိန့် ရောက်နိုင်ရမည်။အဆင့်ဆင့် ကွင်းဆက် Chain of command ဖြင့် အမိန့်ပေးနေခြင်မျိုးမဖြစ်စေရ။ သတင်းအချက်အလက် လွတ်လပ်စွာ စီးဆင်းမှုရှိပြီး အဆင့်တိုင်းသိရှိစေသင့်သည်။

Elon Musk နဲ့ သက်ဆိုင်သော ကုမ္ပဏီ များရဲ့ စီးပွါးရေး အတွေးကို အထောက်အကူပြု မည့် သိကောင် ဖွယ်ရာများ

TELSA,Inc

Telsa, Inc သည် အမေရိကန် ကယ်လီဖိုးပြည်နယ်တွင် ရုံးချုပ်ရှိပြီးအမေရိကန် လျှပ်စစ် ကားနှင့် ပြည့်ဖြိုးမြဲစွမ်းအင် ကုမ္ပဏီ ဖြစ်သည်။ဌာနချုပ်ကို တက်ကဆက်သို့ ပြောင်တော့မည်ဟုကြေငြာထားသည်။၂၀၀၈ မှ စ၍ Elon Musk က CEO တာဝန်ယူခဲ့သည်။လက်ရှိရင်နှီးမြုတ်နှံမှုသည် ဒေါ်လာ ၃၁.၅၄ ဘီလျှံရှိသည်။ဒီ.၂၀၂၀. လုပ်သား 70757 ယောက်(2020) ရှိသည်။တည်ထောင်သူများမှာ Elon Musk, Martin Eberhard, JB Straubel, Marc Tarpenning, Ian Wright တို့ ဖြစ်သည်။

Telsa Logo